UFC: Rafael Fiziyev gecənin əsas döyüşündə qalib gəlib

23:05

Bakıda keçirilən UFC turnirində gecənin əsas döyüşü başlayıb.

Azərbaycan təmsilçisi Rafael Fiziyev meksikalı Manuel Torreslə üz-üzə gəlib.

Görüş Rafael Fiziyevin qələbəsi ilə yekunlaşıb.

***

21:57

Bakıda keçirilən “UFC Fight Night: Fiziev vs. Torres” tədbiri davam edir.

***

21:40

Mütləq Döyüş Çempionatının (UFC) Bakıda təşkil olunan turnirində əsas döyüşlər davam edir.

Qazaxıstan təmsilçisi Asu Almabayev ABŞ-dən olan Çarlz Consonla qarşılaşıb.

Görüş Asu Almabayevin qələbəsi ilə yekunlaşıb.

***

21:19

Mütləq Döyüş Çempionatının (UFC) Bakıda təşkil olunan turnirində daha bir qarşılaşma baş tutub.

Bu dəfə Rusiya təmsilçisi İkram Aliskerov (84,36) braziliyalı Bruno Ferreyra (83,91) ilə üz-üzə gəlib.

Orta çəkidəki döyüşdə İ. Aliskerov qələbə qazanıb. O, üç raundun yekununda rəqibini üstələyib.

***

20:45

Mütləq Döyüş Çempionatının (UFC) Bakıda təşkil olunan turnirində əsas döyüşlər start götürüb.

Almaniyadan olan Abus Maqomedov (84,14) polşalı Mixal Olekseyçukla (84,36) qarşılaşıb.

Görüş birinci raundda A. Maqomedovun qələbəsi ilə başa çatıb.

***

10:53

Bu gün Bakıda UFC (Ultimate Fighting Championship - "Mütləq Döyüş Çempionatı") turniri keçiriləcək.

Tədbir Milli Gimnastika Arenasında baş tutacaq. İlkin döyüşlər saat 17:00-da, əsas qarşılaşmalar saat 20:00-da start götürəcək.

Gecənin əsas qarşılaşmasında Azərbaycan təmsilçisi Rafael Fiziyev meksikalı Manuel Torreslə üz-üzə gələcək.

Əsas döyüşlər:

Rafael Fiziyev - Manuel Torres

Şara Bullet - Mişel Pereyra

Nazim Sadıxov - Mateus Kamilo

Asu Almabayev - Çarlz Conson

İkram Aliskerov - Brunu Ferreyra

Abusupyan Maqomedov - Mixal Olekseyçuk

İlkin döyüşlər:

Fərrux Həsənov - Erik Nolan

Abdul-Rahman Yəhyayev - Culius Uoker

Nursulton Ruziboyev - Andrey Pulyaev

Kaan Ofli - Xavyer Reyes

Daniil Donçenko - Teodor Berqqren

Bekzat Almaxan - Jan Matsumoto

Tahir Abdullayev - Cefferson Nasimento