“Zirə” Tovuzda “Kəpəz”i məğlub edib

Misli Premyer Liqasının XXXII turunda “Zirə” səfərdə “Kəpəz”i məğlub edib.

Tovuz şəhər stadionunda baş tutan qarşılaşma Bakı klubunun 1:0 hesablı qələbəsi ilə yekunlaşıb.

Rəşad Sadıqovun komandasından qolu 64-cü dəqiqədə Salifu Suma vurub.

Artıq ilk "üçlük"dəki yerini təmin etmiş "Zirə" bu nəticədən sonra 64 xalla ikinci pillədə qərarlaşıb. 9-cu yerdə olan Gəncə klubunun isə 28 xalı var.

Qeyd edək ki, turun daha əvvəl baş tutan “Turan Tovuz” - “Şamaxı” matçı 1:1 hesablı bərabərliklə bitib.

Tura aprelin 28-də yekun vurulacaq.

***

10:32

Misli Premyer Liqasının XXXII turunda bu gün “Kəpəz” “Zirə” ilə qarşılaşacaq.

Görüş Tovuz şəhər stadionunda, saat 19:00-da başlayacaq.

Matçın baş hakimi Əliyar Ağayev olacaq. “Zirə” hazırda 61 xalla ikinci pillədə qərarlaşıb. 9-cu yerdə olan Gəncə klubunun isə 28 xalı var.

Misli Premyer Liqası

IV dövrə, XXXII tur

26 aprel

19:00. “Kəpəz” – “Zirə”

Hakimlər: Əliyar Ağayev, Akif Əmirəli, Müslüm Əliyev, Kamranbəy Rəhimov.

VAR: Rəvan Həmzəzadə.

AVAR: Cəmil Quliyev.

Hakim-inspektor: Rəhim Həsənov.

AFFA nümayəndəsi: Namiq Əliyev.

Tovuz şəhər stadionu

Qeyd edək ki, turun ötən gün baş tutan “Turan Tovuz” - “Şamaxı” matçı 1:1 hesablı bərabərliklə bitib.

XXXII tura aprelin 28-də yekun vurulacaq.