Bu gün “Qarabağ” Avropa Liqasında səfərdə HİK-lə qarşılaşır
“Qarabağ” bu səddi adlasa, avrokubokların qrupunda yerini təmin edəcək
![Bu gün “Qarabağ” Avropa Liqasında səfərdə HİK-lə qarşılaşır](/uploads/images/2023/08/rs/image_750x_64ddaa09826d8-750-1080-resize.webp)
Azərbaycan çempionu “Qarabağ” bu gün növbəti avrokubok oyununu keçirəcək.
Qurban Qurbanovun yetirmələri Avropa Liqasının III təsnifat mərhələsinin cavab matçına çıxacaq.
Ağdam klubu səfərdə HİK-lə görüşədək. Ötən həftə Bakıda 2:1 hesabı ilə qalib gələn ağdamlılar Finlandiyada üstünlüyünü qorumağa çalışacaq.
“Qarabağ” bu səddi adlasa, avrokubokların qrupunda yerini təmin edəcək. Ağdamlıları Avropa Liqasının pley-offunda Sloveniya “Olimpiya”sı gözləyir.
Qeyd edək ki, qarşılaşma Bakı vaxtı ilə saat 20:00-da başlayacaq.
Avropa Liqası
III təsnifat mərhələsi, cavab oyunu
17 avqust
20:00. HİK (Finlandiya) – “Qarabağ” (Azərbaycan)
Baş hakim: Villy Delajod (Fransa)
Helsinki Futbol stadionu
İlk oyun – 1:2