ANSTV
ANSÇM
Bu gün “Qarabağ” “Sabah”a qarşı oynayacaq
Premyer Liqada 24-cü turun oyunları davam edir
1 dəqiqə
Premyer Liqada 24-cü turun oyunları çərçivəsində bu gün gün əvvəlcə “Araz-Naxçıvan” öz meydanında “Səbail”i qəbul edəcək.
Günün ikinci matçında - turun mərkəzi qarşılaşmasında “Qarabağ” öz meydanında “Sabah”ı qəbul edəcək.
Hazırda Ağdam klubu 56 xalla çempionatın vahid lideridir. “Sabah” isə 32 xalla beşinci pillədə qərarlaşıb.
Son iki turda qalib gələn Qurban Qurbanovun komandasından fərqli olaraq “Sabah” son 6 matçdan yalnız birində 3 xal qazanıb.
Cari mövsüm bu komandaların qarşıdurmasında “Qarabağ” üstün tərəfdir. İlk dövrədəki matç Ağdam klubunun 3:2 hesablı qələbəsi ilə yekunlaşıb. İkinci görüşdə isə qalib aşkarlanmayıb - 1:1.
Premyer Liqa, XXIV tur
22 fevral (şənbə)
19:00. “Qarabağ” - “Sabah”
Hakimlər: Əliyar Ağayev, Zeynal Zeynalov, Akif Əmirəli, Kamranbəy Rəhimov
VAR: Rəşad Əhmədov
AVAR: Eyyub İbrahimov
Tofiq Bəhramov adına Respublika Stadionu
16:00. “Araz-Naxçıvan” - “Səbail”
Hakimlər: Fərid Hacıyev, Müslüm Əliyev, Rəhman İmami, Elvin Bayramov
VAR: Nicat İsmayıllı
AVAR: Cəmil Quliyev
“Liv Bona Dea Arena”
23 fevral (bazar)
14:30. “Şamaxı” - “Turan Tovuz”
17:00. “Zirə” - “Kəpəz”.
