ANS Press

ANS Press

İyul 31, 2024 - 11:22 Yeniləndi: İyul 31, 2024 - 11:28

XƏBƏRLƏR / Neft və Qaz

Bu il Avropa 13 milyard kubmetr Azərbaycan qazı alacaq

"Trend" məlumatlı mənbəyə istinadən xəbər verir

Bu il Avropa 13 milyard kubmetr Azərbaycan qazı alacaq

  • Oxuma müddəti:

    1 dəqiqədən az

    • 2024-ci ildə Avropa 13 milyard kubmetr Azərbaycan qazı alacaq.

    "Trend" məlumatlı mənbəyə istinadən xəbər verir ki, bu, 2023-cü illə müqayisədə təxminən 8% çoxdur.

    Bu həcmdən 12 milyard kubmetrə yaxın Cənub Qaz Dəhlizi (CQD) vasitəsilə nəql ediləcək - bu, ən yüksək göstəricidir (2023-cü ildə bu rəqəm 11,8 milyard kubmetr idi), Aİ qalan hissəni isə Türkiyə-Bolqarıstan sərhədindəki "Malkoçlar/Strandja" qaz qovşağı vasitəsilə alacaq.

    2024-cü ildə Azərbaycan bütövlükdə qazın ixracını 25 milyard kubmetrə çatdırmağı planlaşdırır. 2023-cü ildə bu, 23,8 milyard kubmetr təşkil edib.

    Avropalı alıcılardan başqa (2020-ci ilin dekabrından Azərbaycan qazını "Şahdəniz" yatağından alırlar), Gürcüstan və Türkiyə 2007-ci ildən etibarən "Şahdəniz"dən fasiləsiz olaraq qaz alır.