ANS Press

ANS Press

Nov 7, 2024 - 17:45 Yeniləndi: Nov 8, 2024 - 08:54

XƏBƏRLƏR / Diplomatiya

Ceyhun Bayramov İspaniya XİN rəhbəri ilə telefonla danışıb

Azərbaycan XİN rəhbəri Xose Manuel Albares Buenoya təbii fəlakətin fəsadları ilə bağlı başsağlığı verib

Ceyhun Bayramov İspaniya XİN rəhbəri ilə telefonla danışıb

  • Oxuma müddəti:

    1 dəqiqə

    • 7 noyabr 2024-cü il tarixində Azərbaycan Respublikasının xarici işlər naziri Ceyhun Bayramov ilə İspaniya Krallığının xarici işlər, Avropa İttifaqı və əməkdaşlıq naziri Xose Manuel Albares Bueno arasında telefon danışığı baş tutub.

    Nazir Ceyhun Bayramov ilk növbədə İspaniyada baş vermiş daşqınlar səbəbilə həyatını itirmiş şəxslər və təbii fəlakətin digər fəsadları ilə bağlı başsağlığı mesajını yenidən ifadə edib.

    Daha sonra tərəflər iki ölkə arasında əməkdaşlıq perspektivlərini müzakirə edib və mövcud əməkdaşlığın genişləndirilməsinin hər iki ölkə üçün əhəmiyyət kəsb etdiyini vurğulayıblar.

    Telefon danışığı zamanı BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq işləri, iki ölkə arasında bu istiqamətdə əməkdaşlıq məsələləri müzakirə olunub. 

    Telefon danışığında, həmçinin qarşılıqlı maraq doğuran digər məsələlər ətrafında fikir mübadiləsi aparılıb.