Çin-Azərbaycan ticarət dövriyyəsi 3.46 milyard dollara çatıb

Çin və Azərbaycan arasında ticarət dövriyyəsi 2026-cı ilin yanvar-sentyabr ayları arasında 3,46 milyard dollara çatıb.

Bu barədə Çinin Azərbaycandakı səfiri Lu Mey brifinqdə bildirib.

Onun sözlərinə görə, bu, hesabat dövrü üçün rekord göstəricidir.

O, Çinin Azərbaycana ən böyük məhsul tədarükçüsü olaraq qaldığını vurğulayıb.

"Bir kəmər, bir yol" təşəbbüsü çərçivəsində əməkdaşlıq genişlənməyə və konkret forma almağa davam edir. Bir sıra əsas birgə layihələrdə artıq müsbət nəticələr əldə edilib.

Çin şirkəti tərəfindən inşa edilən Cənubi Qafqazın ən böyük külək elektrik stansiyasının tikintisi uğurla başa çatıb. Çin şirkəti tərəfindən Azərbaycanda inşa edilən 100 MVt gücündə Qobustan Günəş Elektrik Stansiyası ölkənin vahid elektrik şəbəkəsinə qoşulub.

Transxəzər marşrutu ilə Çindən Avropaya gedən konteyner qatarları Orta Dəhliz boyunca əhəmiyyətli yük daşınmasını təmin edir və qlobal istehsal və logistika zəncirlərinin sabitliyinin qorunmasına kömək edir", - deyə səfir bildirib.

Onun sözlərinə görə, Transxəzər marşrutu ilə Azərbaycandan keçən Çin-Avropa konteyner qatarlarının sayı da 2026-cı ildə rekord həddə çatacaq.