ANSTV
ANSÇM
İngiltərə Fransaya 6:4 hesabı ilə qalib gəlib YENİLƏNİB
DÇ-2026: Üçüncü yerin sahibi müəyyənləşib
1 dəqiqə
03:05
Futbol üzrə 2026-cı dünya çempionatında İngiltərə üçüncü yerin sahibi olub.
Fransa ilə qarşılaşan ingilislər bürünc medal uğrunda matçda 6:4 hesablı qələbəyə seviniblər.
Tomas Tuxelin rəhbərlik etdiyi kollektivin heyətində Deklan Rays (3), Ezri Konsa (18), Bukayo Saka (37, 45+1, 87-p.) və Cud Bellinqem (90+8) fərqləniblər. "Xoruzlar"dan isə Kilian Mbappe (48, 66) Bradli Barkola (54) və Usman Dembele (90+6) adını tabloya yazdırıblar.
Qeyd edək ki, DÇ-2026-da final matçı saat 23:00-da İspaniya və Argentina yığmaları arasında keçiriləcək.
***
18 iyul 2026-cı il
10:07
ABŞ, Kanada və Meksikada təşkil olunan futbol üzrə dünya çempionatında üçüncü yer uğrunda oyun keçiriləcək.
DÇ-2026-nın bürünc medalını qazanmaq üçün Fransa və İngiltərə komandaları üz-üzə gələcəklər.
Qarşılaşma bu gecə Bakı vaxtı ilə saat 01:00-da start götürəcək.
DÇ-2026
19 iyul
01:00. Fransa - İngiltərə
Baş hakim: Xesus Valensuela (Venesuela)
Mayami stadionu.
Xatırladaq ki, mundialın final oyunu iyulun 19-da baş tutacaq. Həlledici görüşdə İspaniya və Argentina seçmələri münasibətlərə aydınlıq gətirəcəklər.
