Dəliməmmədli kəndində yeniyetmələr bıçaq davasına çıxıblar
Orta məktəbin şagirdləri arasında insident baş verib, bıçaqlanan var
![Dəliməmmədli kəndində yeniyetmələr bıçaq davasına çıxıblar](/uploads/images/2024/04/rs/image_750x_660d3bbfbf88d-750-1080-resize.webp)
Goranboy rayonu Dəliməmmədli kəndi M.Zeynalov adına tam orta məktəbin şagirdləri arasında insident baş verib.
Məlumata görə, şagirdlər bir-birinə xəsarət yetiriblər. 2007-ci il təvəllüdlü Şeyxov Ayxan Məhəmməd oğlu döş qəfəsinin kəsilmiş xəsarəti ilə xəstəxanaya aparılıb.
"Hazırda idarənin və rayon təhsil sektorunun əməkdaşları təhsil müəssisəsindədir. Bununla yanaşı, hüquq-mühafizə orqanlarına, Elm və Təhsil Nazirliyinə, digər aidiyyəti qurumlara məlumat verilib. Hadisə ilə bağlı araşdırma aparılır. Araşdırmanın nəticəsi barədə ictimaiyyətə məlumat veriləcək", - idarədən qeyd olunub.