ANS Press

ANS Press

Sep 10, 2023 - 17:06 Yeniləndi: Sep 11, 2023 - 06:07

XƏBƏRLƏR / Münaqişə

Düşmənin təxribatı nəticəsində əsgərimiz minaya düşüb

Eminov Xəyyam Ağdam rayonu ərazisində təxribat məqsədilə basdırılmış piyada əleyhinə minaya düşərək xəsarət alıb

Düşmənin təxribatı nəticəsində əsgərimiz minaya düşüb

  • Oxuma müddəti:

    1 dəqiqədən az

    • Sentyabrın 10-u saat 13:30 radələrində Azərbaycan Ordusunun hərbi qulluqçusu Eminov Xəyyam Mahal oğlu Ağdam rayonu ərazisində bölmələrimizin təminat yolunda qeyri-qanuni erməni silahlı dəstələrinin kəşfiyyat-diversiya qrupu tərəfindən təxribat məqsədilə basdırılmış piyada əleyhinə minaya düşərək xəsarət alıb.

    İlk tibbi yardım göstərildikdən sonra yaralı hərbi qulluqçumuz dərhal hərbi tibb müəssisəsinə təxliyə edilib. Onun həyatı üçün təhlükə yoxdur.

    Hazırda mühəndis-istehkam bölmələri tərəfindən həmin ərazinin minalardan təmizlənməsi işləri aparılır.

    Son dövrlərdə Qarabağ iqtisadi rayonundakı Ermənistan silahlı qüvvələrinin qalıqları və qeyri-qanuni erməni silahlı dəstələrinin ərazilərimizə kütləvi şəkildə yeni minalar döşəməsi, bununla da Azərbaycana qarşı mina terroru siyasətini davam etdirməsi müşahidə edilməkdədir.