DYP-dən xəbərdarlıq: Dumanlı hava yolda təhlükə yarada bilər

Sabah avtomagistrallarda görünüş məsafəsi 500-1000 metrədək məhdudlaşacaq

Oxuma müddəti:

1 dəqiqədən az

Sinoptiklərin məlumatına əsasən martın 17-də dağlıq və dağətəyi rayonlarda dumanlı hava şəraiti ilə əlaqədar olaraq avtomagistrallarda görünüş məsafəsinin 500-1000 metrədək məhdudlaşacağı gözlənilir.

Bununla əlaqədar olaraq Baş Dövlət Yol Polisi İdarəsi sürücülərə xəbərdarlıq edib.

Dumanlı havanın texniki nizamlama vasitələrinin və digər hərəkət iştirakçılarının vaxtında görünməsinə maneə yaratdığını nəzərə alaraq, qeyd olunan bölgələrə səfər edən sürücülərə zəruri ehtiyat tədbirləri görmək, sürət həddini hava şəraitinə uyğun seçmək, nəqliyyat vasitələrinin, xüsusilə xarici işıq cihazlarının sazlığına diqqət yetirmək, ötmə və manevr zamanı təhlükəsizlik qaydalarına ciddi riayət etmək tövsiyə olunur.