ANSTV
ANSÇM
Ər-Riyadda Suriya üzrə regional konfrans işinə başlayır
Bu, Suriyada hakimiyyət dəyişikliyindən sonra bu tipli ilk görüşdür FOTO
1 dəqiqə
Ər-Riyadda ərəb ölkələrinin iştirakı ilə Suriya üzrə regional konfrans açılır.
Bu gün Səudiyyə Ərəbistanının paytaxtı Ər-Riyadda ərəb ölkələrindən nazir və diplomatların iştirak edəcəyi Suriya ilə bağlı regional konfrans keçiriləcək. Bu, Suriyada hakimiyyət dəyişikliyindən sonra bu tipli ilk görüşdür.
Konfransda yeni xarici işlər naziri əl-Şibani ilə yanaşı, Səudiyyə Ərəbistanı, Misir, Birləşmiş Ərəb Əmirlikləri, Qətər, Türkiyə və regionun digər ölkələrinin nümayəndələri ilə yanaşı, ABŞ və Britaniya nümayəndələrinin də iştirakı gözlənilir. Yüksək profilli iştirakçılar arasında BMT-nin Suriya üzrə nümayəndəsi Pedersen və Aİ-nin Xarici və Təhlükəsizlik Siyasəti üzrə Ali Komissarı Kallas da olacaq.
Türkiyənin xarici işlər naziri Hakan Fidan ərəb ölkələrini Suriyaya kömək üçün səyləri əlaqələndirmək üçün birgə mexanizm yaratmağa çağırıb.
“Biz Suriyada sanksiyaların götürülməli olduğu prioritet sektorları müəyyən etməliyik, həmçinin əsas prioritetimiz Suriyanın ərazi bütövlüyünün və birliyinin qorunması olaraq qalmalıdır”, - deyə Fidan Ər-Riyadda Suriya ilə bağlı görüşdə bildirib.
