Ərdoğan Azərbaycana yola düşüb

Türkiyə Prezidenti Rəcəb Tayyib Ərdoğan Azərbaycana yola düşüb.

Bu barədə "TRT Haber" məlumat yayıb.

Ərdoğanı Esenboğa hava limanında (Ankara) Vitse-prezident Cevdet Yılmaz, Prezidentin baş katibi Hakkı Susmaz və Ankara valisi Vasip Şahin yola salıblar.

Türkiyə Prezidentini enerji və təbii sərvətlər naziri Alparslan Bayraktar, milli müdafiə naziri Yaşar Gülər, nəqliyyat və infrastruktur naziri Abdulkadir Uraloğlu, kənd təsərrüfatı və meşəçilik naziri İbrahim Yumaklı, ticarət naziri Ömər Bolat, Türk Dövlətləri Təşkilatı Ağsaqqallar Şurasının sədri, Türk Dövlətləri Təşkilatının Ağsaqqallar Şurasının sədri Binəlitin Yıldırım, Administrasiyanın rəhbəri Fatih Altunor müşayiət edir. Xarici Siyasət və Təhlükəsizlik üzrə rəhbər Akif Çağatay Kılıç, AK Partiya sədr müavinləri Kürşat Zorlu, Əli İhsan Yavuz, Zəfər Sırakaya, Hüseyn Yayman, Halit Yerebakan və MHP sədrinin müavini İsmail Özdəmir də Azərbaycana yola düşüb.

Azərbaycan Prezidenti İlham Əliyevlə görüşü planlaşdırılan Türkiyə Prezidenti Ərdoğanın iki ölkə arasındakı əlaqələr, cari regional və qlobal hadisələrlə bağlı fikir mübadiləsi aparacağı gözlənilir.

Rəcəb Tayyib Ərdoğan Azərbaycan Prezidenti İlham Əliyev və Pakistanın Baş naziri Şahbaz Şəriflə Laçın Beynəlxalq Hava Limanının açılışında iştirak edəcəklər.