Ərdoğan Qazaxıstana səfərə gəlib FOTO

Prezident Rəcəb Tayyib Ərdoğan Türkiyə-Qazaxıstan Yüksək Səviyyəli Strateji Əməkdaşlıq Şurasının iclasının və Türk Dövlətləri Təşkilatının qeyri-rəsmi Zirvə toplantısının keçiriləcəyi Qazaxıstana gəlib.

Ərdoğan Qazaxıstan Prezidenti Kasım-Jomart Tokayevlə İstiqlal Sarayında təkbətək görüş keçirəcək və daha sonra həmkarı ilə birlikdə Türkiyə-Qazaxıstan Yüksək Səviyyəli Strateji Əməkdaşlıq Şurasının iclasına sədrlik edəcək.

Görüşlər zamanı "genişləndirilmiş strateji tərəfdaşlıq" səviyyəsində ikitərəfli münasibətlər hər cəhətdən qiymətləndiriləcək və iki ölkə arasında strateji əlaqələrin gücləndirilməsi üçün atılacaq addımlar müzakirə olunacaq.

Səfərin iqtisadi tərəfində iki ölkə arasında 15 milyard dollarlıq ticarət həcmi hədəfi və enerji sektorundakı əməkdaşlıq layihələri prioritet gündəm maddələri arasında olacaq. Bu kontekstdə müxtəlif sahələrdə yeni əməkdaşlıq protokollarının və sazişlərin imzalanması gözlənilir.

Bundan əlavə, Ərdoğan və Tokayevin Türkiyə-Qazaxıstan Biznes Forumunda iştirakı və hər iki ölkənin iş adamları ilə görüşməsi və investisiya imkanlarını qiymətləndirməsi gözlənilir.

Astana səfərlərini başa vurduqdan sonra Prezident Ərdoğan Türk dünyasının mənəvi paytaxtı Türküstana gedəcək və orada Türk Dövlətləri Təşkilatının Liderlərinin Qeyri-rəsmi Zirvə Toplantısında iştirak edəcək.