ANS Press

ANS Press

İyun 27, 2025 - 10:46 Yeniləndi: İyun 27, 2025 - 11:13

XƏBƏRLƏR / Kriminal

Ermənistanda daha bir keşişin evində axtarış aparılıb

Bu barədə "Sputnik Armeniya" xəbər yayıb

Ermənistanda daha bir keşişin evində axtarış aparılıb

  • Oxuma müddəti:

    1 dəqiqə

    • Bu gün səhər saatlarında 30-a yaxın naməlum maskalı şəxs Erməni Apostol Kilsəsinin Şirak yeparxiyasının rəhbəri arxiyepiskop Mikael Acapaxyanın iqamətgahına daxil olub.

    Bu barədə "Sputnik Armeniya" vəkil Miqran Poqosyana istinadən məlumat verib.

    Arxiyepiskop təsdiqləyib ki, onun iqamətgahına soxulma cəhdi həqiqətən olub, lakin həmin vaxt o, iqamətgahda olmayıb.

    Daha əvvəl arxiyepiskop Acapaxyana qarşı hakimiyyəti ələ keçirməyə açıq çağırışla bağlı cinayət işi açılıb.

    Xatırladaq ki, iyunun 25-də İstintaq Komitəsi "Müqəddəs mübarizə" hərəkatının üzvləri tərəfindən Ermənistanda hakimiyyəti ələ keçirmək məqsədilə terror aktlarının hazırlanması barədə məlumat verib. Hərəkatın lideri Baqrat Qalstanyanın və tərəfdarlarının evlərində genişmiqyaslı axtarışlar aparılıb. Həmin gün axşam onlar məhkəmənin qərarı ilə həbs ediliblər.