ANSTV
ANSÇM
Ermənistanda "Tramp marşrutu" ABŞ-la müzakirə edilir
ABŞ Dövlət katibinin müavini Elison Huker Ermənistanda səfərdədir. O bu həftə Azərbaycana da səfər edəcək
1 dəqiqədən az
ABŞ Dövlət katibinin müavini Elison Huker Ermənistana gedib.
Ermənistan mediası xəbər verir ki, o, İrəvanda Ermənistan rəhbərliyi ilə “Tramp marşrutu”nu və Ermənistan-Türkiyə münasibətlərini müzakirə etmək niyyətindədir.
Diplomatı Baş nazir, xarici işlər naziri, Təhlükəsizlik Şurasının katibi və Türkiyə üzrə xüsusi nümayəndə qəbul edəcək.
ABŞ Dövlət Departamenti: Dövlət katibinin siyasi məsələlər üzrə müavini Elison M. Huker bu həftə Azərbaycana da səfər edəcək.
Bəyanatda deyilir: "Katib müavini Huker 2025-ci il noyabrın 15-dən 21-dək Ermənistan və Azərbaycana işgüzar səfər edəcək".
Səfərin əlavə təfərrüatları açıqlanmayıb.
