Frankfurtdan Astanaya uçan təyyarə Bakıya məcburi eniş etdi

Buna səbəb pis hava şəraiti olub

Oxuma müddəti:

1 dəqiqədən az

Astana hava limanında güclü duman səbəbindən “Lufthansa”nın Frankfurt-Almatı-Astana reysi ilə uçan DLH-649 reysinin kapitanı Heydər Əliyev Beynəlxalq Aeroportunda eniş etmək qərarına gəlib. Heydər Əliyev Beynəlxalq Aeroportundan verilən xəbərə görə, göyərtəsində 123 sərnişin olan Airbus A330 təyyarəsi yerli vaxtla saat 06:58-də Bakı hava limanına enib.

Hava gəmisi kapitanının qərarı ilə saat 08:38-də təyyarə Bakı hava limanından Frankfurta geri dönüb.