Fransada komendant saatı elan edilib FOTO

Fransada üçüncü gecədir ki, davam edən iğtişaşlar zamanı 400-dən çox adam həbs edilib. Onlardan 300-dən çoxu Paris və onun ətraflarındadır. Saxlanılanların əksəriyyəti 14-18 yaş arasındadır.

Çərşənbə günü gecə Fransada 17 yaşlı sürücü Nael M-in yol polisi tərəfindən Parisətrafı qəsəbələrdə dayanmaq istəməyən və getməyə cəhd edən bir polis tərəfindən öldürülməsindən sonra etirazlar və iğtişaşlar başlayıb.

Əlcəzair əsilli olduğu güman edilən Nael M. çərşənbə axşamı qaydaları pozduğu üçün "Mercedes" markalı avtomobili idarə edərkən polis patrulu tərəfindən saxlanılıb və güllələnərək öldürülüb.

Polis əvvəlcə bildirib ki, Nael onları azdırmağa çalışıb, lakin sonradan yayımlanan hadisənin videosu fərqli görünür.

Bundan sonra iki gecə Fransanı etirazlar bürüyüb.

Cümə axşamı axşam Naelin doğulduğu və yaşadığı Nanterdə minlərlə etirazçı polisin ədalətli cəzalandırılması tələbi ilə yenidən dinc nümayiş keçirərək küçələrə çıxıb.

Lakin bu etirazlar tezliklə iğtişaşlara və yenidən polislə toqquşmaya çevrildi.

Zorakılıq və iğtişaşlar Fransanın bir sıra şəhərlərinə və hətta Belçikaya yayılıb. Brüsseldə 15 nəfər həbs edilib.

Fransada iğtişaşları yatırmaq üçün 40 min polis göndərilib.

Bir çox ərazilərdə ictimai nəqliyyat dayandırılıb, avtobus və tramvaylar hərəkət etməyib.

Səhərə yaxın Paris mətbuatı iğtişaşların səngidiyini və vəziyyətin az-çox sakitləşdiyini bildirib.

Yeniyetməni güllələyən polis məmuru həbs edilib və qəsdən adam öldürməkdə ittiham olunub. Cümə axşamı o, açıq şəkildə mərhumun ailəsindən üzr istəyib.

Nael M.-in yaşadığı Paris ətrafı Nanterdə vəziyyət gecə saatlarında gərginləşib.

Fransanın müxtəlif KİV-ləri Crédit Mutuel bankının yerləşdiyi binanın birinci mərtəbəsini əhatə edən güclü yanğının görüntülərini dərc edir.

Yerli mətbuatın məlumatına görə, yanğınsöndürənlər hadisə yerinə gəlib, yuxarıdakı mənzillərdə olduğu güman edilən insanları xilas etməyə çalışırlar.

BBC müxbiri ölkənin cənub-qərbindəki Tuluzadan xəbər verir ki, o, əsasən Şimali Afrikadan olan təxminən 35 min insanın yaşadığı geniş Le Mireil yaşayış massivində bir neçə hündürmərtəbəli binanın yaxınlığındakı müxtəlif yanğınlardan tüstünün yüksəldiyinin şahidi olub.

Le Monde də nümayişçilərin Tuluza şəhərini yandırdığını təsdiqləyir, lakin indiyədək orada heç bir həbs qeydə alınmayıb.

Əvvəlki gecə atışmalar gecə yarısına qədər davam edib, yerli hakimiyyət orqanları bu axşam şəhərdə daha çox zorakılıq gözlədiyini, lakin həmin axşam burada yağan güclü tufan və yağışın gərginliyin azalmasında rol oynadığı görünür.

Baş verən hadisələrlə əlaqədar Klamart şəhərində iyulun 3-dək komendant saatı tətbiq edilib.

Etirazlarda polis əleyhinə şüarlar səsləndirilib, nümayişin marşrutu üzrə hərəkət edən maşınlar yandırılıb.

Bəzi nümayişçilər Fransa bayrağını yandırmağa cəhd edib, polisə daş atıblar. Polis nümayişçilərə qarşı gözyaşardıcı qazdan istifadə edib.

Fransa Milli Jandarmına məxsus helikopter Nanter şəhərinə göndərilib