Günəşdə üç partlayış olub

Bu barədə Rusiyanın Tətbiqi Geofizika İnstitutunun heliogeofizika xidməti məlumat yayıb

Oxuma müddəti:

1 dəqiqədən az

İyulun 16-da Günəşdə M sinfinə aid üç partlayış baş verib.

Bu barədə Rusiyanın Tətbiqi Geofizika İnstitutunun heliogeofizika xidməti məlumat yayıb.

İlk partlayış Bakı vaxtı ilə saat 10:26-da baş verib və təxminən 14 dəqiqə davam edib. Partlayış Yer kürəsində qısadalğalı radiorabitəsində nasazlıqlara səbəb olub.

İkinci hadisə saat 17:08-də qeydə alınıb, təxminən 15 dəqiqə davam edib. Mütəxəssislər üçüncü partlayışı saat 19:46-da qeydə alıblar, onun müddəti təxminən 28 dəqiqə olub.

Qeyd edək ki, Günəşdə partlayışlar gücündən asılı olaraq beş sinfə bölünür: A, B, C, M və X.