Gürcüstan AŞPA-nın işində iştirakını dayandırdı YENİLƏNİB

Gürcüstan nümayəndə heyətinin rəhbəri Teya Tsulukiani bildirib ki, “Gürcü arzusu” AŞPA-da fəaliyyətini başa vurur. O, Gürcüstanla bağlı qəbul edilmiş qətnamədə yer alan şərtlərin və qeyd-şərtlərin “qəbuledilməz, ədalətsiz və əsassız” olduğunu vurğulayıb.

Tsulukianinin sözlərinə görə, AŞPA-nın yeni seçkilər tələbi “Gürcüstanın suverenliyini pozur və 1 milyon 120 mindən çox seçicinin (Gürcü arzusuna səs vermiş) iradəsinə məhəl qoymur, bu, qəti şəkildə qəbuledilməzdir”.

***

Gürcüstan AŞPA-nın işində iştirakını başa vurduğunu elan edib. 

Buna səbəb AŞPA-nın Gürcüstan nümayəndə heyətinin etimadnaməsini "sınaq müddəti” ilə təsdiqləməsi olub. AŞPA Gürcüstanın təmsilçiliyini saxlamaq üçün yerinə yetirməli olduğu şərtləri ortaya qoydu:

-  “siyasi məhbusların” azad edilməsi;
- mübahisəli qanunlara yenidən baxılması;
- Yeni parlament seçkilərinin təyin edilməsi.

“Gürcü arzusu” komandası təsdiq edilmiş səlahiyyətlərinə baxmayaraq, Avropa Şurası Parlament Assambleyasında fəaliyyətini dayandırmaq qərarına gəlib.

Gürcüstanın AŞPA-dakı nümayəndə heyətinin rəhbərinin fikrincə, nümayəndə heyətinin səlahiyyətləri ilə bağlı qeyd-şərtlər “Gürcü Arzusu”nun seçicilərinin əksəriyyətinə və ictimaiyyətinə xəyanət etmək demək olardı.

Qeyd olunur ki, Gürcüstan bu ölkəyə və xalqına qarşı şantaj dayandırıldıqdan sonra AŞPA-da fəaliyyətini davam etdirəcək.