Gürcüstanda 8 yüksək vəzifəlinin deputat mandatı ləğv edildi

Gürcüstan KİV-i xəbər verir

Oxuma müddəti:

1 dəqiqə

Prezident və müxalifət tərəfindən tanınmayan Gürcüstan parlamenti bu gün səkkiz deputatın mandatını ləğv edib.

Məsələ dekabrın 10-da səsverməyə çıxarılıb və təsdiqlənib.

“Gürcü Arzusu”nun yaradıcısı Bidzina İvanişvili, partiya sədri – keçmiş baş nazir İrakli Qaribaşvili, hazırkı Baş nazir İrakli Kobaxidze, prezidentliyə namizəd Mixail Kavelaşvilinin, habelə nazir və nazir müavinlərinin deputat mandatları ləğv edilib:

İrakli Kobaxidze (Baş nazir);

Maki Boçorişvili (xarici işlər naziri);

Anri Oxanaşvili (ədliyyə naziri);

David Sonqulaşvili (Ətraf mühit və kənd tsərrüfatı naziri);

Mariam Kvrivişvili (İqtisadiyyat nazirinin müavini);

Bidzina İvanişvili (“Gürcü arzusu”nun fəxri sədr”);

İrakli Qaribaşvili (“Gürcü arzusu”nun sədri);

Mixeil Kavelaşvili (“Gürcü arzu”sundan prezidentliyə namizəd).

Mandatlara xitam verilməsi qərarının əleyhinə səs verən olmayıb.

11-ci çağırış parlamentin iclaslarında yalnız “Gürcü arzusu”nun üzvləri iştirak edib. Bundan əvvəl müxalifət nümayəndələri seçkilərin saxtalaşdırıldığını hesab edərək, parlamentin legitimliyini tanımadıqları üçün mandatlarından imtina ediblər.