Hakan Fidan İslamabadda pakistanlı həmkarı ilə görüşüb

İshaq Dar Türkiyə və Pakistanın iqtisadiyyatdan təhsilə qədər müxtəlif sahələrdə ortaq layihələri haqda danışıb

Oxuma müddəti:

1 dəqiqədən az

İslamabadda Türkiyə XİN rəhbəri pakistanlı həmkarı ilə görüşüb.

Birgə mətbuat konfransı zamanı İshaq Dar Türkiyə və Pakistanın iqtisadiyyatdan təhsilə qədər müxtəlif sahələrdə ortaq layihələr üzərində çalışdığını qeyd edərək, iki ölkə arasında əlaqələrin son dərəcə əhəmiyyətli olduğunu bildirib.

Fidan öz növbəsində ikitərəfli ticarətin həcmini 5 milyard dollara çatdırmaq niyyətini qeyd edib. Türkiyəli diplomat onu da bildirib ki, Türkiyə-Pakistan-Azərbaycan üçtərəfli məsləhətləşmə mexanizmi vasitəsilə regionda sülh və dialoqun ön plana çıxması üçün səylər göstərilir.

Bu gün daha sonra Fidan və Türkiyənin müdafiə naziri Gülərin Pakistanın Baş naziri Şərif tərəfindən qəbul ediləcəyi gözlənilir.