Viktor Orban Kremldə Vladimir Putinlə görüşüb

Macarıstanın Baş naziri Rusiya Prezidenti ilə Ukrayna münaqişəsini müzakirə edib

Oxuma müddəti:

1 dəqiqə

Rusiya Prezidenti Vladimir Putin və Macarıstanın Baş naziri Viktor Orban Kremldə görüşüb. Vladimir Putin həm ikitərəfli münasibətləri, həm də Ukraynadakı müharibəni müzakirə edəcəklərini bildirib.

Vladimir Putin qeyd edib ki, Viktor Orban Moskvaya, o cümlədən Aİ Şurasının sədri kimi gəlib. O, Macarıstanın Baş nazirini Moskvanın “Ukraynada sülh yolu ilə nizamlanma” təkliflərinin təfərrüatları ilə tanış edəcəyinə söz verib.

Viktor Orban qəbula görə Rusiya Prezidentinə təşəkkür edib. O qeyd edib ki, onların Moskvada sonuncu görüşü Ukraynada müharibə başlamazdan əvvəl olub. Baş nazir deyib ki, dünyada bu münaqişənin bütün tərəfləri ilə danışa bilən ölkələrin sayı getdikcə azalır.

Macarıstan hazırda Aİ Şurasına sədrlik etsə də, onun rəhbəri Şarl Mişel bildirib ki, Birlik adından Rusiya ilə qarşılıqlı əlaqədə olmaq mandatı yoxdur. Avropa diplomatiyasının rəhbəri Josep Borrell bildirib ki, Aİ Rusiya Prezidenti ilə rəsmi təmasların mümkünlüyünü istisna edir, yəni Orban Moskvada Avropa İttifaqını yox, şəxsən özünü təmsil edir.