Türkiyə XİN Fidanın Dəməşqə getdiyini təkzib etdi YENİLƏNİB

Bundan əvvəl “Əl-Cəzirə” telekanalı Türkiyənin xarici işlər nazirinin və Milli Kəşfiyyat Təşkilatının rəhbəri İbrahim Kalın Suriya paytaxtında olması barədə məlumat yayıb

Oxuma müddəti:

1 dəqiqə

19:00

Türkiyə Milli Kəşfiyyat Təşkilatının (MİT) sədri İbrahim Kalın Dəməşqə səfər edib.

Bu barədə Türkiyə mediası məlumat yayıb.

Qeyd olunub ki, İ. Kalın Dəməşqdə yerləşən Əməvi məscidində namaz qılıb.

***

17:46

Türkiyə Xarici İşlər Nazirliyi (XİN) Hakan Fidanın Suriyanın paytaxtı Dəməşqə getdiyinə dair xəbəri təkzib edib.

Məlumat üçün qeyd edək ki, bir qədər əvvəl Türkiyə KİV-də ölkənin xarici işlər naziri Hakan Fidan və Milli Kəşfiyyat İdarəsinin (MİT) sədri İbrahim Kalının Dəməşqə getdikləri barədə məlumat yayılıb.

***

17:30

Hakan Fidan və İbrahim Kalın Suriyadadırlar.

Türkiyənin xarici işlər naziri Hakan Fidan və Milli Kəşfiyyat Təşkilatının rəhbəri İbrahim Kalın Dəməşqə gəlib. Bu barədə Qətərin “Əl-Cəzirə” telekanalı məlumat yayıb.

Telekanalın mənbələrinə görə, Fidan və Kalın Türkiyənin rəsmi nümayəndə heyətinin müşayiəti ilə Suriya paytaxtındadırlar.