ANSTV
ANSÇM
“Hakimiyyət səhvlərini etiraf etməlidir!”
Bunu İran Prezidenti Məsud Pezeşkian bəyan edib
1 dəqiqədən az
İran Prezidenti hakimiyyətin ölkəni idarə etməkdəki səhvlərini etiraf etməli olduğunu bildirərək, ictimai şikayətlərə məhəl qoymamağın yalnız qəzəbə, zorakılığa və yadlaşmaya səbəb olacağını xəbərdar edib.
"Etiraf etməliyik ki, idarəetmədə səhvlər etmişik. Səhvlərimizi etiraf etməsək və onları düzəltməyə çalışmasaq, yalnız başqalarını günahlandırsaq, heç nəyə nail ola bilməyəcəyik", - deyə Pezeşkian qeyd edib.
O, hökumət orqanlarının yoxsulların tələblərinə və problemlərinə laqeyd qalması halında ictimai narazılığın artacağını vurğulayıb.
Pezeşkian əlavə edib: "Bütün qurumlar və hakimiyyət orqanları həssas qrupların tələblərini və problemlərini görməzdən gəldikdə, cəmiyyətin zorakılığa, laqeydliyə və ölkədən və sistemdən yadlaşmaya doğru getməsini gözləyə bilmərik".
