Haniyənin qətlinə cavab verməmək qarşılığında atəşkəs...

İran Prezidenti Məsud Pezeşkian ABŞ və Avropa liderlərinin İranın HƏMAS Siyasi Bürosunun sədri İsmayıl Haniyənin öldürülməsinə cavab vermədiyi təqdirdə Qəzzada atəşkəs elan edəcəklərini vəd etdiklərini, lakin buna əməl etmədiklərini bildirib.

İran dövlət televiziyasının məlumatına görə, Pezeşkian dünən axşam keçirilən Nazirlər Şurasının iclasında çıxış edib.

Pezeşkiyan İsrailin bölgədəki təcavüzü və onun qərbli havadarlarına toxunaraq deyib: "Sionist rejimin cinayətləri qəbuledilməzdir və cavabsız qalmayacaq". 

Pezeşkian deyib: "İranın şəhid Haniyənin öldürülməsinə cavab verməməsi müqabilində atəşkəs vəd edən ABŞ və Avropa ölkələri liderlərinin iddiaları tamamilə yalandır. Bu cür cinayətkarlara şans vermək onları daha çox cinayət törətməyə həvəsləndirməkdən başqa bir iş görməyəcək. 

İran Prezidentinin açıqlamaları ölkədə mübahisələrə səbəb olub. Gecə saatlarında İran Ali Milli Təhlükəsizlik Şurasının binası qarşısına toplaşan bir qrup hakimiyyətdən bu bəyanatlara cavab tələb edib.

Qeyd edək ki, İyulun 31-də HƏMAS lideri İsmayıl Haniyənin paytaxt Tehranda öldürülməsindən sonra İran İsraildən qisas almağa qərar vermişdi. Bu arada Tehranın İsrailin Qəzzaya hücumlarını daimi olaraq dayandırması müqabilində hücum niyyətindən əl çəkəcəyi ilə bağlı iddialar səslənib. Tehran administrasiyası isə "hücumla milli suverenliyini təhdid edən İsrailin cəzalandırılması üçün alınan qərar və Qəzzada atəşkəs səylərinin ayrı-ayrı mövzular olduğunu, lakin atəşkəs prosesinə zərər verməyəcəyinə ümid etdiklərini" bildirib.