Hikmət Hacıyev: Başqa yol yoxdur! Oyun bitdi!

Azərbaycan Prezidentinin köməkçisi Hikmət Hacıyev Avropa İttifaqı, Türkiyə, ABŞ və İsveçrənin səfirləri ilə görüş keçirib. Bu barədə o, Twitter-də yazıb.

◼️Görüş zamanı Hacıyev qeyd edib ki, Ermənistan tibbi evakuasiya və çatdırılma funksiyasını yerinə yetirən Laçın yolu məsələsi ilə bağlı siyasi manipulyasiya və spekulyasiya ilə məşğuldur.

◼️Brüsseldə Ağdam-Xankəndi yolunun daha böyük həcmdə çatdırılma üçün istifadə olunması ilə bağlı razılıq əldə olunub. Prezidentin köməkçisi yazıb ki, bu, BQXK-nın bəyanatında da təsdiqlənib.

◼️“Yalnız Laçın yolundan istifadə etməkdə israrla, amma Ağdam yolundan imtina etmək, yolu bağlamaq, siyasiləşdirmək yolverilməzdir. Xankəndindəki separatçıların marionet “rəhbərləri” yerli əhalini öz siyasi ambisiyalarının girovluğunda saxlayır”, – deyən Hikmət Hacıyev hazırda teatr səhnələrinin və Laçın BCP-yə yük maşınlarının nümayişkaranə şəkildə çatdırılmasının səhnələşdirildiyini yazır.

◼️Ermənistan Azərbaycana qarşı ərazi iddialarına son qoymalı, qoşunlarını Azərbaycanın Qarabağ bölgəsindən çıxarmalı və qanunsuz marionet rejimini maliyyələşdirməyi dayandırmalıdır.

“Bütün qeyri-qanuni qüvvələrin tərksilah edilməsini təmin etmək lazımdır. Beynəlxalq ictimaiyyət Ağdam-Xankəndi yolundan istifadə edilməsi və Qarabağın erməni sakinlərinin Azərbaycana reinteqrasiyası ilə bağlı aydın mesaj verməlidir. Başqa yol yoxdur! Oyun bitdi!" - H.Hacıyev vurğulayıb.