Instagram, WhatsApp və Facebook tətbiqləri çalışmır

Bu arada "WhatsApp"ın "X"-dəki rəsmi hesabında rabitənin kəsildiyini etiraf etdi.

Paylaşımda deyilir: ""WhatsApp!"a daxil olan bəzi problemlərin fərqindəyik. Biz fəal şəkildə həll yolu üzərində işləyirik və insanların çoxunun normal vəziyyətə qayıtmasını görməyə başlayırıq. Tezliklə hər şeyin normala dönəcəyini gözləyirik."

***

"Meta" şirkəti qəza ilə əlaqədar "X" hesabında məlumat verib.

Məlumatda deyilir: "Texniki problemin bəzi istifadəçilərin tətbiqlərimizə daxil olmaq imkanına təsir etdiyini bilirik. İşləri mümkün qədər tez normal vəziyyətə gətirmək üçün çalışırıq və yaranan narahatlığa görə üzr istəyirik."

***

"Meta" şirkətinin bir sıra tətbiqləri əlçatan deyil. Xidmətlərdə problemlər var.

İstifadəçilər “Facebook”, “Messenger”, “Instagram”, “WhatsApp”, “Treads” proqramlarında problemlərdən şikayətlənirlər.

Downdetector xidməti qeyd edir ki, istifadəçilər sosial şəbəkələrin tətbiqləri və veb versiyaları ilə bağlı problemlərdən kütləvi şəkildə şikayət edirlər.

Xidmət xətası mesajlarının sayı on minlərlədir. Qəzanın səbəbləri hələlik məlum deyil.

Eyni zamanda, şirkətin biznes məhsullarının vəziyyəti və uğursuzluqlarını təsvir edən "Meta" səhifəsində heç bir səhv bildirilmir.