İran-Azərbaycan sərhədini pozmağa cəhd etdilər
Bu barədə DSX-dan məlumat verilib
![İran-Azərbaycan sərhədini pozmağa cəhd etdilər](/uploads/images/2023/02/rs/image_750x_63de14874e7fc-750-1080-resize.webp)
Fevralın 2-də saat 16:25-də Dövlət Sərhəd Xidmətinin (DSX) Sərhəd Qoşunlarının “Lənkəran” sərhəd dəstəsinin Astara rayonunun Sım kəndi yaxınlığında yerləşən sərhəd zastavasının xidməti ərazisində İran İslam Respublikasından Azərbaycan Respublikası istiqamətinə dövlət sərhədini pozmağa cəhd göstərən 2 (iki) nəfər naməlum şəxs sərhəd naryadının sayıqlığı nəticəsində saxlanılıb.
DSX-dən Trend-ə bildirilib ki, araşdırma zamanı saxlanılan şəxslərin Əfqanıstan İslam Respublikası vətəndaşları 2003-cü il təvəllüdlü Raja Məhəmməd Qoçuməhəmməd oğlu və 2006-cı il təvəllüdlü Zahidullah Mədaxil Məhəmmədqol oğlu olmaları müəyyən edilib. Faktlar üzrə əməliyyat-istintaq tədbirləri davam etdirilir.