İran millət vəkili: "Trampı Türkiyədə hədəfə almalıyıq!"

15:21

İran rəsmi olaraq ABŞ Prezidenti Trampın qəbuluna görə Türkiyə hakimiyyətinə dərin narazılığını bildirib və bu addımı "mehriban qonşuluq prinsipləri ilə uyğunsuz" adlandırıb. İran tərəfi vurğulayıb ki, Türkiyə hökumətinin "İran xalqına qarşı müharibə cinayətləri və terror aktlarına görə məsuliyyət daşıyan şəxsi dəvət etmək" qərarı iki müsəlman ölkəsi arasındakı dostluq münasibətlərinə tamamilə ziddir.

Mənbə vurğulayıb ki, "Türkiyənin milli suverenliyinə tam hörmət etsək də, Ali Lider Xameneinin dəfn mərasimləri keçirilərkən, onun qatilinin qonşu ölkədə qəbul edilməsini qəbul edə bilmərik". O, əlavə edib ki, səfər dindarların "hisslərini incidib" və Türkiyə məhkəmə orqanlarının Trampı beynəlxalq cinayətlərə görə təqib etməsi və həbs etməsi gözlənilir.

***

12:24

İran parlamentinin üzvü Həmid Rəsayi ABŞ Prezidenti Donald Trampın Türkiyədə qaldığı yerin raketlə vurulmasına çağırış edib.

Rəsayi sosial media hesabında yazıb ki, Donald Tramp NATO sammitində iştirak etmək üçün Türkiyəyə gəlib və “əlimiz çatan yerdədir”.

Deputat paylaşımında, “Gəlin, rəsmi olaraq və heç bir bəhanə gətirmədən onun Türkiyədəki qaldığı iqamətgahı raketlərlə hədəf alaq” ifadəsini işlədib.