"İrəvan və Bakı təhlükəsizlik baxımından eyni qayıqdadırlar"

Regional məsələlər Qəbələdə keçirilən Ermənistan və Azərbaycan ictimai xadimləri və ekspertlərinin görüşündə regional məsələlər müzakirə olunub.

Bu barədə Ermənistan Şurası Analitik Mərkəzinin eksperti Narek Minasyan mətbuat konfransında bildirib.

"Hər iki tərəf razılaşır ki, bir tərəfdən Ukraynadakı müharibə, digər tərəfdən isə İran ətrafında baş verən hadisələr Cənubi Qafqaz üçün daha ciddi problemlər yaradır. Cənubi Qafqaz ətrafımızda bu cür qarışıq hadisələrin baş verdiyi bir vaxtda faktiki olaraq sabitlik və sülh adasına çevrilib. Eyni zamanda, bizə aydın oldu ki, Naxçıvan Hava Limanına hücumdan sonra Azərbaycan tərəfi daha kəskin reaksiya verib və ən azından qeyd edilib ki, bu münaqişələrin regiona yayılmasının qarşısını almaq və vəziyyəti mümkün qədər tez həll etmək həm Ermənistanın, həm də Azərbaycanın maraqlarına uyğundur", - deyə o bildirib.

Narek Minasyanın sözlərinə görə, İranla bağlı hadisələrin hələ də davam etdiyi nəzərə alınmaqla, bu regional hadisələrin TRIP layihəsinin həyata keçirilməsinə necə təsir göstərə biləcəyi məsələsi də müzakirə olunub.

Onun sözlərinə görə, Azərbaycan tərəfi Ermənistan və Azərbaycanın təhlükəsizlik baxımından eyni qayığda olduğuna və regional problemlərin ortaq olduğuna inandığını kifayət qədər açıq şəkildə bildirib, ona görə də mövcud vəziyyət də qiymətləndirilməli və onu gücləndirmək üçün səylər göstərilməlidir.