ANSTV
ANSÇM
Ermənistan Azərbaycana təşəkkür edib
Ermənistana Rusiyadan gedən buğda qatarı Azərbaycandan keçib
1 dəqiqədən az
Ermənistan hökuməti Azərbaycan tərəfinin səylərini yüksək qiymətləndirib ki, bunun sayəsində Rusiyadan Ermənistana buğda daşıyan qatar artıq Azərbaycan ərazisindən keçir.
Bu barədə Ermənistanın Baş nazirinin müavini Mqer Qriqoryan "Armenpress"ə bildirib.
O qeyd edib ki, yaxın zamanda buğda daşıyan qatar Ermənistana çatacaq.
“Bu dəqiqə Rusiyadan Ermənistana taxıl aparan qatar artıq Azərbaycan ərazisindən Gürcüstana doğru keçir. Rusiya taxılını daşıyan qatar tezliklə Ermənistana gələcək. Azərbaycanlı və rusiyalı həmkarlarımın bu istiqamətdə gördüyü işləri yüksək qiymətləndirirəm. Qarşılıqlı etimadın möhkəmləndirilməsi və sülh gündəminin irəliləməsi baxımından bu hadisə böyük əhəmiyyət kəsb edir. ”, - Qriqoryan qeyd edib.
