ANS Press

ANS Press

Apr 30, 2024 - 12:49

XƏBƏRLƏR / Qonşular

Gürcüstanın Baş naziri prezidenti satqın adlandırdı

İrakli Kobaxidze Salome Zurabişvilini milli maraqlara xəyanətdə ittiham edib

Gürcüstanın Baş naziri prezidenti satqın adlandırdı

  • Oxuma müddəti:

    1 dəqiqədən az

    • Gürcüstanın baş naziri İrakli Kobaxidze prezident Salome Zurabişvilini satqın adlandırıb.

    Gürcüstan mətbuatı xəbər verir ki, Baş nazir ölkə başçısını milli maraqlara xəyanətdə ittiham edib.

    “Ən kədərlisi odur ki, hələ də qanuni olaraq Gürcüstan prezidenti adlandırılan şəxs bu ölkəyə xaindir, sözün hərfi mənasında o, Gürcüstanın milli maraqlarına xəyanət edir”, - deyə İrakli Kobaxidze iddia edib.

    “Gürcü Arzusu”nun liderləri iddia edirlər ki, Zurabişvili Gürcüstanın və xalqın maraqlarına zidd olaraq vəziyyəti qarışdırmağa, inqilab təşkil etməyə və hakimiyyət dəyişikliyi olacağı təqdirdə ölkəni müharibəyə sürükləməyə çalışan “radikal müxalifət”ə qoşulub.