ANS Press

ANS Press

Apr 1, 2025 - 15:25

XƏBƏRLƏR / Təbiət

İslandiyanın cənub-qərbində vulkan aktivləşib

Bu barədə İslandiyanın xəbər mənbələri məlumat yayıb

İslandiyanın cənub-qərbində vulkan aktivləşib

  • Oxuma müddəti:

    1 dəqiqədən az

    • Sundhnukur vulkanının aktivliyi İslandiyanın cənub-qərb hissəsində, Reykyanes yarımadasında qeydə alınıb. İslandiyanın RUV teleradio şirkəti bildirib ki, hakimiyyət Qrindavik şəhərində evakuasiya elan edib.

    Vulkanın daxilində toplanan maqma çərşənbə axşamı saat 06:30-da (Bakı vaxtı ilə10:30) səthə doğru hərəkət etməyə başlayıb. Qeyd edilir ki, Sundhnukur vulkanının səkkizinci püskürməsi baş verə bilər. Bununla belə, maqmanın səthə çıxmayacağı ehtimalı var.

    Grindavik polisi evakuasiya tədbirlərinin tamamlandığını bildirib. Eyni zamanda şəhərin səkkiz sakini evlərini tərk etməkdən imtina edib.

    İslandiyada 33 aktiv vulkanik sistem var. 2021-ci ildən bəri Reykyanes yarımadasında bir neçə püskürmə - 2021-ci ilin martında, 2022-ci ilin avqustunda, 2023-cü ilin iyulunda və 2024-cü ilin yanvar, mart, may, avqust və noyabr aylarında baş verib.