İsrail Dəməşqdə İran səfirliyinin ətrafına zərbə endirdi

14:00

SOHR-in (Suriyada insan haqları müşahidəsi) məlumatına görə, İsrailin raket zərbəsi nəticəsində öldürülən on nəfərdən ikisi Livan Hizbullahından (təşkilatdakı statusları dəqiqləşdirilir), eyni mənzildə olan daha iki naməlum şəxs, həmçinin altı mülki şəxs - yəmənli həkim və ailəsi (arvad və üç uşaq) və başqa bir qadın - həkim. SOHR on nəfərin xəsarət aldığını bildirir. Partlayış nəticəsində bir neçə mənzil dağılıb.

Səudiyyə Ərəbistanının Əl-Hədat telekanalı daha əvvəl hücumun hədəfinin İrandan silahlarının daşınmasına cavabdeh olan "Hizbullah" bölməsinin komandiri olduğunu bildirmişdi.

Hədəflərin İran İslam İnqilabı Keşikçiləri Korpusunun (SEPAH) yüksək rütbəli üzvləri və/yaxud Fələstin "İslami Cihad"ının lideri ola biləcəyi ilə bağlı şayiələr də var idi.

Suriya Müdafiə Nazirliyi Holan Yüksəkliklərindən İsrail ordusu təyyarələrindən binaya doğru 3 raketin  atıldığını bildirib. Rəsmi məlumatlara görə, hücum nəticəsində 7 nəfər ölüb, 11 nəfər yaralanıb.

***

İsrail aviasiyası Suriyanın paytaxtı Dəməşqin mərkəzinə hava zərbələri endirib: ölənlər və yaralılar var

Mətbuat partlayışın İran səfirliyinin yaxınlığında olduğunu yazır.

İsrailin Dəməşqdə yaşayış binasına endirdiyi zərbə nəticəsində 7 mülki şəxs həlak olub, 11 nəfər yaralanıb - Suriya Müdafiə Nazirliyi xəbər verir.