ANSTV
ANSÇM
Azov dənizində PUA hücumuna görə 5 soydaşımız həlak olub
Azov dənizində "Natra" və "Zirkon" yük gəmiləri 8 naməlum dronların hücumuna məruz qalıb YENİLƏNİB
2 dəqiqə
13:15
Bu gün gecə saatlarında heyətində ümumilikdə 25 nəfər Azərbaycan vətəndaşının olduğu iki xarici yük gəmisinə dron hücumları həyata keçirilib.
XİN-dən verilən xəbərə görə, sözügedən gəmilər Azərbaycan dövlətinə məxsus deyil.
Hücum nəticəsində ümumilikdə 5 nəfər vətəndaşımızın həlak olduğu, 3 nəfərin isə yaralandığı barədə Rusiya tərəfindən müvafiq məlumat daxil olub. Yaralılar Yeysk şəhər xəstəxanasına yerləşdiriliblər.
Hal-hazırda, məsələ ilə bağlı Xarici İşlər Nazirliyi tərəfindən aidiyyəti dövlət qurumlarımız, ölkəmizin diplomatik nümayəndəlikləri, habelə müvafiq ölkələrin səlahiyyətli qurumları ilə əlaqələndirmə işləri həyata keçirilir. Rusiyadakı səfirliyimizin bir neçə nəfər əməkdaşı hadisə yerinə yola düşüblər. Vətəndaşlarımızın vəziyyəti, onların ölkəyə qaytarılması və zəruri konsulluq dəstəyinin göstərilməsi məsələləri diqqətdə saxlanılır.
Həlak olanların ailələrinə və yaxınlarına dərin hüznlə başsağlığı verir, yaralananların tezliklə şəfa tapmasını arzulayırıq.
11:39
Azərbaycanlıları daşıyan gəmilərə hücum nəticəsində beş nəfər həlak olub.
Azov dənizində "Natra" (Beliz bayrağı altında) və "Zirkon" (Palau bayrağı altında) yük gəmilərinə dron hücumu edilib. Türkiyədən Rostov-Dona taxıl yükləmək üçün ballastla gedən hər bir gəmi dörd dron tərəfindən vurulub.
Azərbaycan mediasının məlumatına görə, hücumda ölənlərin hamısı Azərbaycan vətəndaşları olub.
Hər iki gəmi xarici bayraqlar altında üzürdü və Bakı ilə heç bir əlaqəsi yox idi, azərbaycanlı dənizçilər özəl olaraq işə götürüldülər.
