İsraildəki Azərbaycan səfiri Holokost qurbanlarını yad edib
Muxtar Məmmədov bu barədə Twitter hesabında yazıb
![İsraildəki Azərbaycan səfiri Holokost qurbanlarını yad edib](/uploads/images/2023/04/rs/image_750x_643e45ebc4b11-750-1080-resize.webp)
Azərbaycanın İsraildəki səfiri Muxtar Məmmədov Holokost qurbanlarının xatirəsini ehtiramla yad edib.
“Bu gün biz Holokost qurbanlarını, yəhudi olduqları üçün öldürülən 6 milyon yəhudini yad edirik. Mən fəxr edirəm ki, Azərbaycan həmişə orada heç bir antisemitizm olmadan hamı ilə dinc yanaşı yaşayan çoxlu yəhudilərin vətəni olub”, o, Twitter hesabında bildirib.
Holokost, 1933-1945-ci illər arasında nasistlər və onların tərəfdarları tərəfindən həyata keçirilən təxminən 6 milyon avropalı yəhudinin sistematik təqib və qətli rejimidir.