Kolumbiyada öküz döyüşləri qadağan edilib
Qanun layihəsinin lehinə 93, əleyhinə isə 2 nəfər səs verib
![Kolumbiyada öküz döyüşləri qadağan edilib](/uploads/images/2024/05/rs/image_750x_6656bdea7f42e-750-1080-resize.webp)
Kolumbiya parlamenti 2027-ci ildən etibarən ölkədə öküz döyüşlərinin keçirilməsini qadağan edib.
Qanun layihəsinin lehinə 93, əleyhinə isə 2 nəfər səs verib. Sənəddə korridanın tədricən qadağan olunması nəzərdə tutulur.
Üç illik keçid dövründə bu sahədə çalışanların alternativ işlə təmin edilməsi, həmçinin yarışların keçirildiyi meydanların idman mərkəzlərinə çevrilməsi nəzərdə tutulur. Kolumbiyada döyüş məqsədi ilə öküzlərin yetişdirilməsi kənd əhalisinin böyük qismi üçün başlıca gəlir mənbəyidir.
Kolumbiya öküz döyüşlərini qadağan edən yeganə Cənubi Amerika ölkəsi deyil. Korrida artıq Braziliya, Çili, Argentina, Qvatemala və Uruqvayda qadağan edilib.