ANSTV
ANSÇM
Konyada çökən binanın altında qalan 3 nəfər xilas edilib
Dağıntılar altında qalan insanların xilas edilməsi üçün işlər davam etdirilir
1 dəqiqə
15:25
Konyada 4 mərtəbəli binanın çökməsi səbəbilə başladılan axtarış-xilasetmə tədbirləri bitib.
Dağıntıların altından daha bir nəfərin meyiti çıxarılıb.
Qeyd edək ki, ümumi olaraq, baş verən hadisə nəticəsində üç nəfərin həyatı xilas edilib, iki nəfər ölüb.
***
12:20
Konyada 4 mərtəbəli binanın dağıntıları altından bir nəfərin cansız bədəni çıxarılıb.
Qeyd edək ki, dağıntıların altında ümumi 5 nəfər qalıb. Onların 3-ü xilas edilib, 1-i həlak olub, digəri ilə bağlı isə heç bir məlumat yoxdur.
***
Türkiyənin Konya vilayətində çökən 4 mərtəbəli binanın dağıntıları altında axtarış-xilasetmə işləri davam edir.
Türkiyə mətbuatı xəbər verir ki, ölkənin Fövqəladə Hallar İdarəsinin (AFAD) əməkdaşları dağıntılar altında qalan 5 nəfərlə telefonla əlaqə qurub.
Xilasedicilərin çökmə zamanı sağ qalan 3 nəfəri dağıntıların altından sağ çıxardığı bildirilir.
Dağıntılar altında qalan insanların xilas edilməsi üçün işlər davam etdirilir.
Yaşayış binasının uçmasında günahkar bilinən 4 nəfər saxlanılıb.
