ANSTV
ANSÇM
Kreml yaxınlığında atışma olub, üç nəfər yaralanıb
Hadisə "Wildberries" şirkətinin baş ofisində olub
1 dəqiqədən az
Moskvanın mərkəzində, Kremlin yaxınlığında yerləşən "Wildberries" şirkətinin baş ofisində silahlı atışma baş verib.
Silahlı insident şirkətin rəhbəri Tatyana Bakalçukun həyat yoldaşı Vladislav Bakalçukun və bir qrup kişinin binaya buraxılmaması səbəbindən baş verib.
Nəticədə biri polis əməkdaşı olmaqla üç nəfərin güllə yarası aldığı deyilib.
Şirkətdən bildirilib ki, Vladislav Bakalçuk mühafizəsi ilə birlikdə Moskvadakı "Wildberries" ofisinə qanunsuz daxil olmağa cəhd edib.
Hadisə ilə bağlı 10 nəfər saxlanılıb.
Qeyd edək ki, bir müddət əvvəl Tatyana Bakalçuk əri Vladislavla boşanma prosesinin başlandığını açıqlamışdı.
