Madyar eyni anda üç teleaparıcını hökumət sözçüsü təyin edib

Bu barədə Macarıstanın Baş naziri sosial şəbəkələrdəki səhifəsində məlumat verib

Oxuma müddəti:

1 dəqiqə

Mayın 9-da vəzifəsinin icrasına başlayan Macarıstanın Baş naziri Peter Madyar hökumətin eyni anda üç rəsmi nümayəndəsinin təyin edildiyini elan edib.

Bu barədə o, sosial şəbəkələrdəki səhifəsində məlumat verib.

Hökumətin mətbuat xidmətinin tərkibinə keçmiş teleaparıcılar və jurnalistlər - Vanda Sondi, Yeva Maqar və Anita Köböl daxil olublar.

"Macarıstanın yeni hökuməti media ilə tərəfdaşlıq münasibətləri qurmaq niyyətindədir", - o bildirib.

Madyar təyin olunmuş nümayəndələrin hər birini ayrı-ayrılıqda təqdim edərək, onların jurnalistika və televiziya sahəsindəki peşəkar təcrübəsini qeyd edib.

O vurğulayıb ki, hər üçü "sual verməyi, dinləməyi, məlumatı yoxlamağı və məsuliyyətlə cəmiyyəti məlumatlandırmağı öyrəniblər".

Beləliklə, Peter Madyar son illərdə mövcud olan praktikadan imtina etdi - həmin praktikaya görə, kabinetin yalnız bir rəsmi nümayəndəsi olurdu. Əvvəlki kabinetdə bu vəzifəni Zoltan Kovaç tuturdu.