ANSTV
ANSÇM
Milli cüdo komandamız Avropada qızıl medal qazandı
Avstriyanın Qrats şəhərində cüdo üzrə Avropa Gənclər Kuboku keçirilir
1 dəqiqədən az
Azərbaycan milli cüdo komandası hazırda Qratsda davam edən Avropa Gənclər Kubokunun ilk günündə qızıl medal qazanıb.
Azərbaycan Cüdo Federasiyasından verilən məlumata görə, 66 kq çəki dərəcəsində yarışan Məhəmməd Musayev bütün rəqiblərini məğlub edərək çempion olub.
Finala çıxmazdan əvvəl o, Almaniya, Xorvatiya, Belçika və Macarıstan təmsilçilərini məğlub edib.
Həlledici görüşdə Məhəmməd serbiyalı idmançı Marko Jorgiçi ipponla məğlub edərək fəxri kürsünün ən yüksək pilləsinə qalxıb.
Bir qızıl medalla komanda kişilərin medal sıralamasında birinci, ümumi hesabda isə beşinci yeri tutub.
