Mina qurbanları Xankəndi yolunda aksiyaya qoşulub

Onların yaxınları da aksiyaya dəstək vermək məqsədilə Laçın-Xankəndi yoluna gəliblər

Oxuma müddəti:

1 dəqiqədən az

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarının monitorinqinin keçirilməsinə icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəalların Laçın-Xankəndi yolunda keçirdikləri etiraz aksiyası artıq səkkiz gündür davam edir. Bu gün mina qurbanları və onların yaxınları da aksiyaya qoşulublar.

Qeyd edək ki, işğal dövründə bir milyondan çox mina Ermənistan tərəfindən Azərbaycan torpaqlarında basdırılıb. Bu, təbiətə, insanlığa qarşı görünməmiş vəhşilikdir. Ekoloji terror olan mina problemi hələ də davam edir. Postmüharibə dövründə də Ermənistan minalama siyasətini dayandırmayıb.