Minifutbol üzrə millimiz Avropa çempionu oldu VIDEO

Elşad Quliyevin başçılıq etdiyi komanda bu titulu 2-ci dəfə qazanır

Oxuma müddəti:

1 dəqiqədən az

Minifutbol üzrə Azərbaycan millisi Slovakiyada təşkil olunan Avropa çempionatında final oyununu keçirib.

Elşad Quliyevin başçılıq etdiyi komanda qitə çempionluğu uğrunda görüşdə Ukrayna seçməsini sınağa çəkib. "Tipos Arena"da keçirilən qarşılaşmada rəqibini 2:0 hesabı ilə məğlub edən Azərbaycan millisi Avropa çempionu olub. Komandanın qollarını Mirmehdi Rzayev və İsa Atayev vurublar. VIDEO

Qeyd edək ki, bu, minifutbol üzrə Azərbaycan millisinin 2-ci Avropa çempionluğudur. Yığmamız 2022-ci ildə də qitənin ən güclüsü olmuşdu.

Xatırladaq ki, Azərbaycan millisi yarımfinal matçında Serbiyanı penaltilər seriyasında 3-1 hesabı ilə məğlub etmişdi. Əsas vaxtda 1-1 hesabı ilə başa çatan oyunda F qrupunda Avstriya (1-0), İtaliya (3-0) və Fransa (3-2) komandalarını məğlub edən komanda 1/8 finalda Qazaxıstanı (3-2), 1/4 finalda isə Çexiyanı (5-2) məğlub etmişdi.