ANS Press

ANS Press

Mart 6, 2024 - 11:51 Yeniləndi: Mart 6, 2024 - 12:36

XƏBƏRLƏR / Qonşular

Mişustin Fəxri xiyabanı və Şəhidlər xiyabanını ziyarət etdi

Rusiya Federasiyası Hökumətinin sədri Mixail Mişustin martın 5-dən Bakıda səfərdədir FOTO

Mişustin Fəxri xiyabanı və Şəhidlər xiyabanını ziyarət etdi

  • Oxuma müddəti:

    1 dəqiqə

    • Rusiya Federasiyası Hökumətinin sədri Mixail Mişustin martın 6-da Fəxri xiyabana gələrək xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla anıb, məzarı önünə əklil qoyub.

    Görkəmli oftalmoloq-alim, akademik Zərifə xanım Əliyevanın da xatirəsi yad edilib, məzarı üzərinə tər güllər düzülüb.

    Daha sonra Mixail Mişustin Şəhidlər xiyabanını ziyarət edib.

    M.Mişustin Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsinə ehtiramını bildirib, “Əbədi məşəl” abidəsinin önünə əklil qoyub.

    Sonra Bakının ən hündür nöqtəsindən paytaxtımızın mənzərəsini seyr edən qonağa Şəhidlər xiyabanının tarixi və şəhərdə görülən abadlıq-quruculuq işləri barədə məlumat verilib.