Moldova Azərbaycanla əməkdaşlığı dərinləşdirmək istəyir

Kişinyov Bakı ilə iqtisadi əməkdaşlığın dərinləşməsinə açıqdır - Moldovanın Baş naziri

Moldovanın yeni Baş naziri Dorin Reçan Kişinyov və Bakının biznes icmaları arasında informasiya texnologiyaları, aqrar-sənaye kompleksi və enerji kimi sahələrdə daha dinamik qarşılıqlı fəaliyyətə çağırıb.

"Ölkəmizdə bir sıra Azərbaycan şirkətləri fəaliyyət göstərir və biz Moldova Respublikasının coğrafi mövqeyi ilə müqayisə oluna biləcək şəkildə tətbiq oluna biləcək imkanları birlikdə araşdırmağı təklif edirik", - Reçan Azərbaycanın Kişinyovdakı səfiri Qüdsi Osmanov ilə görüşdə deyib. 

“İnterfaks-Azərbaycan”ın Moldova hökumətinə istinadən verdiyi məlumata görə, o, Kişinyovun ikitərəfli ticarətin həcminin artırılması üçün əməkdaşlığın dərinləşdirilməsinə açıq olduğunu vurğulayıb.

Osmanov öz növbəsində Bakı ilə Kişinyov arasında əlaqələrin “xüsusi olub və qalacağını” qeyd edərək, Azərbaycanın ikitərəfli gündəmdə olan bir sıra layihələrin həyata keçirilməsinə töhfə verməyə hazır olduğunu təsdiqləyib.

“Görüş zamanı Moldova-Azərbaycan əlaqələrinin dərinləşdirilməsi, o cümlədən Moldovaya investisiyaların həcminin artırılması müzakirə olunub. Tərəflər səmərəli və qarşılıqlı faydalı tərəfdaşlığın qorunub saxlanmasının və inkişaf etdirilməsinin vacibliyini qeyd ediblər”, - məlumatda vurğulanır.