Moskvadakı terror aktını Rusiya Könüllülər Korpusu törədib?

"Crocus City Hall" konsert kompleksində baş verən terror aktında Rusiya Könüllülər Korpusunun əli ola bilər. Bu barədə “Kommersant” qəzeti məlumat yayıb.

Təhlükəsizlik qüvvələri “Piknik” qrupunun konsertində atəş açan şəxslərlə bağlı əməliyyat qərargahından məlumat almağa başlayıb.

“Kommersant”ın mənbələrinə görə, terrorçular boyu 180 sm-ə qədər olan gənc slavyanlardır.

Ola bilsin ki, saxta saqqal və bığlardan da istifadə ediblər.

Hücum edənlər hərbi geyim, o cümlədən hündür çəkmələr geyiniblər.

Eyni zamanda, bir gün əvvəl Rusiya Qvardiyasının xüsusi təyinatlıları RDK kamerası yaratmağı planlaşdıran yeddi Moskva sakinindən nasist simvolları olan bayraqları və bıçaqlı silahları müsadirə ediblər.

Moskva "Crocus City Hall" konsert zalında terror aktı baş verib. Piknik qrupunun çıxışından əvvəl silahlı şəxslər zala soxularaq tamaşaçılara atəş açıblar. Bundan sonra partlayışlar baş verib və yanğın başlayıb.

Qeyd edək ki, martın 22-də axşam saatlarında “Crocus City Hall”da konsert başlamazdan əvvəl bir qrup naməlum şəxs atəş açıb. Konsert zalının binasında yanğın başlayıb və partlayışlar baş verib. Rusiya İstintaq Komitəsi terror aktı ilə bağlı cinayət işi açıb. Son məlumatlara görə, terror aktı nəticəsində 60-dan çox insan həlak olub, 145-dən çox insan isə yaralanıb. Ölənlərin sayının artacağı istisna edilmir.