MSK növbədənkənar parlament seçkilərilə bağlı iclas çağırdı
İclasda növbədənkənar parlament seçkiləri müzakirə olunacaq
![MSK növbədənkənar parlament seçkilərilə bağlı iclas çağırdı](/uploads/images/2024/06/rs/image_750x_667d223c3c122-750-1080-resize.webp)
Bu gün Mərkəzi Seçki Komissiyasının (MSK) iclası keçiriləcək.
İclasda növbədənkənar parlament seçkilərinin keçirilməsi ilə bağlı məsələnin müzakirə olunması gözlənilir.
Xatırladaq ki, Milli Məclis iyunun 21-də növbədənkənar parlament seçkilərinin təyin edilməsi üçün Azərbaycan Respublikasının Prezidentinə müraciət edib.
Konstitusiya Məhkəməsinin Plenumu isə bu gün növbədənkənar seçkilərlə bağlı Prezident sorğusuna baxır.