ANS Press

ANS Press

May 11, 2023 - 11:16 Yeniləndi: May 11, 2023 - 14:58

XƏBƏRLƏR / Hərbi

Müdafiə naziri bu gün Türkiyəyə gedib

Zakir Həsənov Türkiyənin milli müdafiə naziri Hulusi Akarla “Anadolu Qartalı-2023” təlimlərini izləyəcək

Müdafiə naziri bu gün Türkiyəyə gedib

  • Oxuma müddəti:

    1 dəqiqə

    • Z.Həsənov qardaş ölkənin milli müdafiə naziri Hulusi Akarla görüşəcək. İki nazir Konya şəhərində yerləşən “Anadolu qartalı” Tədris Mərkəzində “Anadolu Qartalı-2023” təlimlərini izləyəcək.

    Müdafiə Nazirliyindən verilən məlumata görə, səfər çərçivəsində general-polkovnik Z.Həsənov təlim çərçivəsində keçiriləcək "Yüksək səviyyəli müşahidəçi günü"ndə iştirak edəcək.

    Qeyd edək ki, Azərbaycan HHQ-nin bir qrup şəxsi heyəti və Su-25 hücum təyyarələrinin cəlb olunduğu təlim ölkəmizlə yanaşı, Türkiyə, Pakistan, Birləşmiş Ərəb Əmirlikləri, Qətər və İngiltərə nümayəndələrinin iştirakı ilə keçirilir. 

    "Anadolu Qartalı - 2023" beynəlxalq taktiki-uçuş təlimində ABŞ, Avstraliya, Efiopiya, Mərakeş Krallığı, Fransa, Gürcüstan, İsveç, Qırğızıstan, Şimali Makedoniya, Liviya, Malayziya və İordaniya Krallığının nümayəndə heyəti müşahidəçi qismində iştirak edir.