Naxçıvana gedən yola Rusiya FTX-si nəzarət edəcək

9/10 noyabr 2020-ci il tarixli üçtərəfli bəyanata əsasən, vətəndaşların, nəqliyyat vasitələrinin və yüklərin maneəsiz hərəkətinin təşkili məqsədilə nəzarət Rusiya FTX-nin sərhəd xidməti tərəfindən həyata keçiriləcək. “Moskva-Bakı” İnformasiya xəbər portalı xəbər verir ki, bunu Azərbaycanın qərb rayonları ilə Naxçıvan arasında nəqliyyat kommunikasiyalarına Rusiyanın nəzarəti həyata keçirib-etməyəcəyi ilə bağlı sualı cavablandıran Azərbaycanın Baş nazirinin müavini Şahin Mustafayev deyib.

“9/10 noyabr 2020-ci il tarixli Birgə Bəyanatın 9-cu bəndi əsasında onun müddəalarının tez bir zamanda həyata keçirilməsi üçün danışıqlar aparılır. Tapşırıqlar çox aydındır. Naxçıvan Muxtar Respublikasını Azərbaycanın qərb rayonları ilə birləşdirən mövcud nəqliyyat kommunikasiyalarının bərpası və yeni nəqliyyat kommunikasiyalarının tikintisi nəzərdə tutulur. Həm sərnişin, həm yük, həm də avtonəqliyyat vasitələrinin daşınması təmin olunacaq”, - deyə o, Azərbaycanın qərb rayonları ilə onun Naxçıvanı arasında nəqliyyat əlaqələrinin bərpası üzrə üçtərəfli işçi qrupunun iclası çərçivəsində aparılan danışıqların nəticələrini şərh edərkən bildirib. 

O əlavə edib ki, hazırda texniki detalların razılaşdırılması üçün müzakirələr aparılır.

Qeyd edək ki, iyunun 2-də Moskvada Azərbaycan, Ermənistan və Rusiya baş nazirlərinin müavinlərinin həmsədrliyi ilə Cənubi Qafqaz regionunda kommunikasiyaların bloklanması üzrə üçtərəfli işçi qrupunun növbəti iclası keçirilib.